– Aldyn ala málimet boıynsha, sahnany, zal men teatrdyń jabdyǵyn ot shalmaǵan, órtten ǵımarattyń shatyry men transformatorǵa zıan kelgen. Qazir oqıǵa ornynda jumys istep jatqan komısıa órtten bolǵan nuqsannyń naqty kólemin anyqtaıdy. Teatraldyq maýsymda oblystyń turǵyndary teatrǵa kelýge múmkindik alýy úshin, buny neǵurlym tez isteýge tyrysamyz, – dedi Atyraý oblysy ákiminiń birinshi orynbasary Serik Shapkenov. – Bul qala turǵyndary úshin aýyr soqqy boldy. Sonymen qatar, adamdar beıjaı qalmaı, qoldan keler kómekterin kórsetýge tilek bildirgeni qýantady. Kóptegen bıznesmender osy problemadan tys qalmaı, teatrdy qalpyna keltirýge kómektesýge yntaly ekenderin bildirdi.

S.Shapkenovtiń aıtýynsha, órt bolǵan sátten bastap, kóptegen bıznes ókilderi órtten zardap shekken M.Ótemisov atyndaǵy drama teatryn qalpyna keltirýde qalaǵa kómektesý jóninde bastama kóterdi. Bul atalmysh nysandy tolyqtaı jeke ınvestısıalar esebinen qalpyna keltirýge múmkindik beredi.