QR Prezıdenti Ákimshiliginiń kelisimimen Túrkistan oblysynyń ákimi Ómirzaq Shókeevtiń ókimimen Sáken Qalqamanov pen Ulan Tájibaev Túrkistan oblysy ákiminiń orynbasarlary qyzmetine taǵaıyndaldy. Sáken Qalqamanov ıdeologıa, bilim jáne mádenıet salasyna jaýapty bolsa, Ulan Tájibaev aýyl sharýashylyǵy, jer qatynastary, jerdiń paıdalanylýy men qorǵalýyn memlekettik baqylaý, jumyspen qamtý jáne halyqty áleýmettik qorǵaý, eńbek ınspeksıasy, shekara jáne shekara mańy máselelerin sheshý, tabıǵı resýrstar jáne tabıǵat paıdalanýdy retteý salalaryna basshylyq etpek.

Kelesi kadrlyq ózgeris Almaty qalasynda oryn aldy. Qalalyq máslıhattyń kelisimi boıynsha Áýezov aýdanyna jańa ákimi taǵaıyndaldy. Bul qyzmetke Saıran Saıfedenov keldi. Ol buǵan deıin Almaty qalasy Áleýmettik ál-aýqat basqarmasy basshynyń orynbasary qyzmetin atqarǵan.

Qyzylorda oblysynyń eki aýdanynda da jańa ákim. Oblys ákiminiń ókimimen Syrdarıa aýdanynyń ákimi laýazymyna Rýslan Rústemov, Jańaqorǵan aýdanynyń ákimi laýazymyna Sultan Maqashov taǵaıyndaldy.

Keshe, Naýryzbaı Baıqadamov Qyzylorda oblysy ákiminiń orynbasary laýazymyna taǵaıyndalǵan bolatyn.