Prezıdent Toqaev  pýblısıs Seıdahmet Quttyqadamdy qabyldady. Eki jaqty áńgimelesý barysynda  endi jumysyn bastamaq bolyp otyrǵan Ulttyq  keńestiń  jumysyna oń baǵa berildi. Rasyn aıtý kerek, atalǵan dıalog alańy Qazaqstan úshin áleýmettik-saıası mańyzy bar zor oqıǵa bolǵaly tur.

Árıne, Prezıdentpen áńgime barysynda elimizdegi ishki saıası ahýal da sóz bolmaı qalǵan joq. Sonymen qatar, Ortalyq Azıa aýmaǵyndaǵy aımaqtyq ózgerister de áńgime arqaýyna aınaldy.

Elimizde "úshinshi sektor" dep atalatyn Qazaqstannyń Azamattyq aláns uıymy bar.  Onyń basshysy – Asylbek Qojahmetov. Prezıdent Toqaev  Asylbek Qojahmetovpen kezdesý barysynda azamattyq qoǵamdy damytý máselesi talqylandy. Aldaǵy ýaqyttta úkimettik emes uıymdardyń bedelin nyǵaıtý týraly sóz boldy.

Prezıdent Qasym-Jomart Toqaev elimizde azamattyq sektordy nyǵaıtý mańyzdy ekenin aıtty. Sonymen qatar memleket basshysy Qasym-Jomart Toqaev  azamattyq sektordyń jumysyn úsheıtýge qatysty tapsyrma berdi. Óıtkeni úkimettik emes uıymdar bılik pen halyq arasyndaǵy altyn kópir ispetti. Sondaı-aq azamattyq sektordyń áleýetin ár salada paıdalaný qajettiligine toqtaldy.  

Áńgime barysynda bilim jáne ǵylym salasyn jańǵyrtý, ýnıversıtetterdiń  múmkindikterin ulttyq ekonomıkaǵa paıdalaný jóninde sóz boldy.

"Sakraldy Qazaqstan" ǵylymı-zertteý ortalyǵynyń jetekshisi Berik Ábdiǵalı "Ulytaý-2019" halyqaralyq týrısik forýmynda Prezıdent tarapynan aıtylǵan bastamalardyń ómirsheń ekendigin sóz etti. Sondaı-aq onyń iske asyrylý máselelerin talqylady.

Rasyn aıtý kerek, sońǵy jyldary Qazaqstannyń etnotýrızm salasynda oń ózgerister bar. Áńgime barysynda elimizde osy salany nasıhattaý jaǵyna basa nazar aýdarý qajettiligi aıtyldy. Prezıdent kezdesý barysynda qabyldaýynda bolǵan azamattarǵa arnaıy tapsyrma berdi.