Búgin, 30 tamyzda Qazaqstan astanasy Nur-Sultan qalasyndaǵy "Tengrı" qonaq úıinde belsendilerdiń uıymdastyrýymen jıyn ótip jatyr dep jazady Qamshy.kz aqparat agenttigi. Jıynǵa eldiń ár óńirinen jınalǵan 100-den asa adam qatysyp jatyr. Olardyń qatarynda burynǵy depýtattar, Jeltoqsan uıymynyń músheleri, qoǵamdyq belsendiler bar.
Uıymdastyrýshylar "Qytaı ekspansıasy men 51 zavodyn salýǵa qarsy halyq quryltaıy" dep ataǵan jıynda sóıleýshiler túrli taqyryptarda sóılep jatyr. Quryltaıda sóıleýshiler Qazaqstandaǵy qazirgi bılik júıesine qarsy ekenderin, eldiń eks-prezıdenti Nursultan Nazarbaevtyń áli de Qazaqstandy bılep otyrǵanyn aıtty. Olardyń aıtýynsha, "eldegi barlyq mańyzdy sheshimderdi áli de Nazarbaev qabyldap otyr".
