QR İshki ister mınıstrligi júrgizýshiler odaǵy, kólik ıeleri men qoǵamdyq pikirdi saralaı kele túngi ýaqytta, jol nashar kórinetin shaqtarda jol qozǵalysyn retteý maqsatymen polısıa qyzmetkerlerine alataıaqtaryn qaıtarý týraly uıǵarymǵa keldi, dep habarlaıdy Qamshy.kz aqparat agenttigi.

Sondaı-aq jezl kelesideı jaǵdaılarda qoldanylady:

- jol-kólik oqıǵalary, kólik keptelisteri, jóndeý jumystary syndy kólik baǵytyn ózgertýge týra keletin jaǵdaıda;

- baǵdarsham isten shyqqanda, tabıǵı jáne tehnogendik sıpattaǵy tótenshe jaǵdaı kezinde;
⠀ 
"Qoǵamdyq pikirge qulaq asar bolsaq, alataıaq qoldaný jol qozǵalysyn retteýshi belgilerin kórý múmkindigin joǵarylatyp, polıseılerdiń qaýipsizdigine paıdaly. Jol kólik erejeleri buzylǵan jaǵdaıda kólik quraldaryn qoldanystaǵy erejege saı qolmen nemese dybystyq, daýys kúsheıtkish quraldardyń kómegimen toqtatý saqtalynady" delingen İİM málimdemesinde.
⠀ 
Alataıaqty qaıtarý úrdisinde zańnamalyq ózgerister jasalynbaıdy, búdjet qarajaty jumsalmaıdy dep sendirýde.