QR Prezıdenttiń jemqorlyqqa qarsy is-qımyl josparynyń jeti negizgi sharasynyń biri retinde memleket pen azamattyq qoǵam ınstıtýttarynyń konstrýktıvti áriptestigin atap, jemqorlyqpen kúreste kúshtik sharalar azdyq etetin aıtqan bolatyn. Bul rette, Jambyl oblysynda ashyq búdjetterdiń ınteraktıvti kartasy jobasy iske asyrylý kózdelip otyr. Ashyq búdjettiń ınteraktıvti kartasy alǵash ret halyqqa búdjettik shyǵyndar týraly mańyzdy málimetterdi qol jetimdi jáne túsinikti etti jáne qoǵamdyq baqylaýdyń tıimdi mehanızmin qurady dep jazady Qamshy.kz aqparat agenttigi.

Karta naqty ýaqyt rejıminde áleýmettik nysandardy salý, jóndeý jáne kútýge bólingen búdjet qarajaty týraly tolyq málimetti kórsetedi. Karta merdigerler, bólingen qarjy, qurylystyń merzimi, kepildi mindettemeler, qurylystyń egjeı-tegjeıin, asfált tóseminiń qalyńdyǵy týraly aqparatqa qol jetkizýge múmkindik beredi. Kez kelgen adam osy prosesterdi táýlik boıy baqylaı alady, olardy qujattamamen tekserip, sáıkessizdikter týyndaǵan jaǵdaıda tıisti fotolar men beınematerıaldardy tirkeı otyryp, memlekettik organǵa habarlaı alady. Túsken aryz shaǵymdar boıynsha tıisti memlekettik organ jaýap beredi, al eger aryz-shaǵymdardyń ishinde sybaılastyq elementteri bolǵan jaǵdaıda bizdiń organ nazarǵa alyp Zańnamamen belgilengen tártippen jumystar jasaıtyn bolady.

Sondaı-aq, oblys kóleminde bızneske ákimshilik qysymdy tómendetý sharalary da nazardan tys qalyp jatqan joq.

«Protecting Business and Investments» jobasy aıasynda 21 ınvestormen jalpy somasy 363 936 600 000 teńge kuraıtyn sybaılas jemqorlyqqa qarsy súıemeldeý kelisimge otyryp, kásipkerler palatasymen birlese 17 kompanıanyń zańdy quqyqtary qorǵaldy. Aıtarlyǵy ınvestorlarǵa qandaı da bir ákimshilik kedergi týyndasa, Departamenttiń mindeti oǵan der kezinde qoldaý kórsetip, zańnamamen kózdelgen tártipte sheshý bolyp tabylady.

Sonymen qatar, Joba aıasynda aǵymdaǵy jyldyń 30 shildesinde ınvestorlar jáne kásipkerlermen kezdesý uıymdastyrylyp bızneske qoldaý máseleri túsindirilse, al 20 tamyzda sybaılas jemqorlyq táýekelderdi boldyrmaý taqyrybynda aýdan ákimderi men basqarma basshylarynyń qatysýymen arnaıy jıyn ótti.