Aqtaý qalasynda myńǵa jýyq adam Qazaqstandaǵy Qytaı jobalaryna qarsy aksıa ótkizgen jańaózendikterdi qoldady dep jazady Qamshy.kz aqparat agenttigi. 

Narazylyqqa shyqqan aqtaýlyqtar "Qytaı zaýyty salynbasyn" dep talap etti. Mıtıńke shyqqandarǵa basý aıtýǵa shyqqan ákimdiktiń qyzmetkerleri mıtıńke arnaıy jer beriletinin aıtty. 

"Mıtıńke arnaıy jer belgilenip beriledi. Mıtıń ótetin jerde adamdar túregep turmaýy kerek. Olar dalada mıtıń ótkizse de otyratyn jer bolýy tıis. Sebebi tik turyp narazylyqqa shyqqan adamdar sharshaıdy", - degen ákimdik qyzmetkeriniń sózin halyq sońyna deıin tyńdaǵysy kelmedi. 

"Halyq sharshap-sharshap bitti", "Bizdiń talabymyz bireý-aq, ol - Qytaı zaýyty salynbasyn", "Bul - bizdiń jer", "Adaıdyń jerin taptatpaımyz",- dep shýlady narazylyqqa shyqqandar.