Qazaq qaı dáýirde de tórt túligim jan azyǵym dep bilgen. Qazir de aýyldaǵy aǵaıynnyń negizgi tirshilik kózi – mal sharýashylyǵy. Prezıdent Qasym-Jomart Kemeluly da jýyrdaǵy Joldaýynda halyqty tórt túlik ósirýge shaqyrdy. Elbasy da óz Úndeýinde iri qara ósirip te kúneltýge bolatyndyǵyn meńzedi. Al Jambyl jerinde mal basy keńestik kezeńdegi kórsetkishti dittep qaldy dep jazady Qamshy.kz aqparat agenttigi. 

Máselen Jambyl aýdanynda 23 974,4 tonna sút, tiri salmaqta 4 489,2 tonna jáne soıys salmaqta 2 468,5 tonna et, 40 036,6 myń dana jumyrtqa óndirildi. 2018 jyldyń tıisti kezeńimen salystyrǵanda sút 102,9 paıyzǵa, et 105,2 paıyzǵa, jumyrtqa 116,2 paıyzǵa oryndaldy.

Aýdanda iri qara malynyń basy – 44 806, qoı-eshki – 250 631, jylqy – 19 244, túıe – 118, úı qustary – 343 533 basqa jetip, shoshqa malynyń sany 1 967 basty qurady.

Aýdan kóleminde 6 370 basqa arnalǵan 13 mal bordaqylaý alańdary (MİQ–5 390 bas, qoı – 650 bas, jylqy – 330 bas) jáne 14 taýarly sút fermalary (MİQ-2 230 bas, onyń ishinde 1 731 bas sıyr) bar.

Mal sharýashylyǵynyń aınymas bir bóligi veterınarıa salasy ekeni de belgili. Máselen aýdanda 2019 jylǵa arnalǵan epızootıaǵa qarsy atqarylatyn is-sharalar josparyna sáıkes 105 mıllıon teńge bólindi. Esepti kezeńde tómendegideı egý-emdeý jumystary júrgizildi.

Týberkýlezge qarsy egý 32 500 bas múıizdi iri qara, 40 bas túıe, Aýsylǵa qarsy egý 55 000 bas múıizdi iri qara, 228 800 bas qoı-eshki, 1 800 bas shoshqa, Sibir jarasyna 36 000 bas múıizdi iri qara, 130 000 bas qoı-eshki, 10 000 bas jylqy, 30 bas túıe, 1 600 bas shoshqa.

Ehınakokkozǵa qarsy 15 000 bas ıtke egý jumystary júrgizildi.

2019 jyly (brýselez) aýrýyna aýdan boıynsha 27 164 bas iri qaradan jáne 113 301 bas usaq maldan qan synamalary alynyp, 40 bas MİQ men 213 bas usaq mal oń nátıje kórsetti.

Aýyl sharýashylyǵy janýarlaryn birdeılendirý jáne derekter qoryna engizý boıynsha 2019 jylǵa aýdandyq búdjetten 4 mln. 819 myń teńge bólindi. Esepti kezeńde 22 948 bas MİQ, 123 013 bas usaq mal, 2 114 bas jylqy, 50 túıe jáne 858 bas shoshqa birdeılendi.

Qańǵybas ıtter men mysyqtardy aýlap joıý jumystaryna 3 mln. 034 myń teńge bólinip, 1 090 qańǵybas ıtter aýlanyp joıyldy.

Kongo-Qyrym gemorragıalyq qyzbasyna qarsy zalalsyzdandyrý jumystarynyń birinshi kezeńi tolyq atqarylyp, ekinshi kezeńge 1 912 bas MİQ, 8 833 bas usaq mal, 504 bas jylqy, jalpy aýmaǵy 553 800 sharshy metrdi quraıtyn 885 qora-jaı jáne 29 400 sharshy metr býferlik aýmaqqa dezınseksıa jumystary júrgizilýde.