5 qyrkúıekte saǵat 19:00-de Almatyda Muhtar Áýezov atyndaǵy Qazaq memlekettik akademıalyq drama teatrynda "Farıza" spektakliniń premerasy qoıyldy dep habarlaıdy Qamshy.kz aqparat agenttigi Tengrinews.kz saıtyna silteme jasap.

Qoıylym Farıza Ońǵarsynovanyń 80 jasqa tolýyna oraı uıymdastyryldy. Ideıa avtory jáne spetakldiń bas prodúseri, kompanıa jetekshisi - Aınur Kópbasarova. Pesa qazaq tilinde qoıyldy.

Pesany prodúserlik ortalyqtyń tapsyrmasymen dramatýrg Roza Muqanova jazyp shyqqan. 

Kompozıtory - Renat Gaısın. Rejıseri - Farhat Moldaǵalı.

"A+A Idea Fabric" shyǵarmashylyq tobynyń spektákl qoıýdaǵy maqsaty - elimizge tanymal tulǵalardy tereń tanytý, qoǵamdy ádebı-mádenı turǵyda baıytý, jastardyń ıntelektýaldyq belsendiligin damytý, teatr sahnasyna kórermenniń qyzyǵýshylyǵyn arttyrý.

Basty rólderde: "Daryn" memlekettik syılyǵynyń laýreaty Nazgúl Qarabalına, teatr jáne kıno akterleri Qýandyq Qystyqbaev, Leıla Beknazar-Hanınga jáne Erlan Káribaev.

"Búgin teatr keńistiginde úlken jeńisti, jemisti kún boldy. Oǵan kýá zalda otyrǵan árbir kórermenniń qoshemeti men Farıza apamyzǵa degen saǵynyshynan týǵan kózinen tamǵan móldir taza jas dep bilemin. Farıza apamyz tiri, qasymyzda.

Sondyqtan da óner  - ólsheýsiz, óner bir qalypqa syımaıdy. Ónerdiń shegi men sheti joq. Búgin Farıza apamyzdy eske alyp, taǵzym jasap, amanat arqalap, osyndaı keremet spektákl dúnıege keldi", - dedi akter Azamat Satybaldy. 

Qoıylym 6 qyrkúıek jalǵasyn tabady.