Shyǵys Qazaqstan oblysynyń ákimi Danıal Ahmetov Semeı qalasyndaǵy medısına ýnıversıtetiniń rektory Ersin Júnisovke sógis berdi. Bul týraly aımaq basshysy «Nur Otan» partıasy jergilikti fılıaly Saıası keńesiniń búro otyrysynda málim etti.
Oǵan Semeı qalasyndaǵy medısına ýnıversıtetin bitirgen 79 sheteldik túlektiń óz elderinde jumysqa ornalasa almaı júrgeni sebep bolyp otyr. Óıtkeni jas mamandardyń dıplomdarynda orfografıalyq qatelikter oryn alǵan. Sonyń saldarynan olar medısına salasy boıynsha qyzmet ete almaı júr. Osyǵan baılanysty aımaq basshysy atalmysh ýnıversıtet rektory Ersin Júnisovke sógis berdi.
– Jastar sharasyzdyqtan nendeı kúıge tústi? Endi dereý osy olqylyqtyń ornyn toltyryp, dıplomdaryn túzetip, qoldaryna berińder, – dedi Danıal Ahmetov.
Pikir qaldyrý