SHQO ákimi Danıal Ahmetov Kúrshim paromyndaǵy máselelerdi sheshý maqsatynda arnaıy komısıa qurýdy tapsyrdy. Esterińizge sala keteıik, «Qyzyl tý» ótkelinde kezek kútken jurttyń qarasy kóp. Oǵan sebep te jeterlik.
Birinshiden, ótkelde tolyq jóndeý jumystary júrgizilmegen. Sonyń saldarynan qozǵalys kestesi turaqty emes. Al jóndeý jumystaryn kezinde moınyna alǵan kásiporyn jaýapkershilikten qashyp otyrǵan kórinedi.
Aımaq basshysy Danıal Ahmetov jolaýshylar kóligi jáne avtomobıl joldary basqarmasynyń basshysy Nurjan Jumadilovke osy baǵyttaǵy jumystardy retteýdi tapsyrdy.
– Kásiporyndy jaýapqa tartýǵa negiz bolarlyq pýnkter kelisimshartta qarastyrylmaǵan. Bul – óz kemshilikteriń. Degenmen máseleni qaıta qarap kórýge bolady. Sondyqtan arnaıy komısıa qurylady. Kelisimshartty egjeı-tegjeıli qarap shyǵý úshin komısıa quramynda zańgerler mindetti túrde bolsyn, – dep tapsyrma berdi D.Ahmetov.
Pikir qaldyrý