"Memleket basshysy Qasym-Jomart Toqaevtyń shet elderge, óńirlerge saparyna qatysty aıtar bolsam, kelesi aptada eki  óńirge – Soltústik Qazaqstan jáne Aqmola oblystaryna sapary aldyn ala josparlanǵan. Ýaqytyn qosymsha habarlaımyz", – dedi Berik Ýálı.

QR Prezıdentiniń baspasóz hatshysy Qasym-Jomart Toqaevtyń AQSH-qa sapary josparlanyp otyrǵanyn da aıtty. Osy oraıda Prezıdent kómekshisi Murat Nurtileýov Amerıkaǵa saparǵa qatysty keıbir derektermen bólisti.

"Ózderińiz bilesizder, syrtqy saıasatta óte belsendi jumys jalǵastyryp kelemiz, sabaqtastyq, jańa bastamalar bar. Kelesi aptada Qasym-Jomart Kemelulynyń BUU Bas assambleıasynyń 74-sessıasyna  qatysýy josparlanǵan. Onyń barysynda Memleket basshysy klımattyq samıtke qatysady. Sodan keıin turaqty damý jónindegi joǵary deńgeıdegi samıtke qatysatyn bolady. Sonymen qatar bizdiń josparda Nú-Iorkke barǵan kezde birneshe amerıkalyq isker toptarmen tıisti kezdesýler bar", – dedi ol.

Eskerte ketelik, BUU Bas assambleıasynyń 74-sessıasy 17 qyrkúıekte ótedi.

inform.kz