Muhtar Áblázov "Nazarbaev Qazaqstan úshin kim?" atty debatta qazirgi Qazaqstannyń jaǵdaıy týraly aıtyp berdi dep jazady Qamshy.kz aqparat agenttigi. Debat tikeleı efırde ótip jatyr.  

"Qazirgi Qazaqstandy Toqaev basqarmaıtyny belgili. Ony Nazarbaev basqaryp otyr. Ol qazir saılaýǵa qatysa almaǵanymen, barlyǵyn óz baqylaýynda ustap otyr. Ákimder men mınıstrlerge deıin Nazarbaev taǵaıyndaıdy. Ol "Nur Otan" partıasyn da basqarady jáne depýtattar da sol partıadan iriktelip, tańdalatyny belgili. Depýtattardy halyq tańdamaıdy. Nazarbaevqa básekelestiktiń bolý, bolmaýy mańyzdy emes. Sebebi onyń adamdary barlyq jerde bar. Sondaı-aq eldegi bankterdiń 90 paıyzy Nazarbaevtyń ıeliginde. Munaı salasyn da Nazarbaev óziniń kúıeý balasy nemese basqa da týystary arqyly óz baqylaýyna alyp otyr. Sol sebepti oǵan Konstıtýsıany qaǵazǵa aınaldyrýdyń esh qıyndyǵy joq. Barlyǵy túgeldeı óz baqylaýynda. Ne sebepti mundaı qadamǵa bardy? Sebebi ol áýel bastan aldyna osyndaı maqsat qoıǵan bolatyn. Nazarbaev demokratıanyń ne ekenin túsinbeıdi. Sonymen biz neni kórip otyrmyz? Barlyq qarjy Nazarbaevtyń qolynda, bılik te sonyń qolynda. Ár salany óziniń senimdi adamdary basqaryp otyr. Mine biz qazir osyndaı kúıdemiz", - dedi Muhtar Áblázov debat kezinde.