Búgin, 13 qyrkúıekte Qazaqstan Respýblıkasy premer-mınıstri Asqar Mamınniń ókimimen Shymkent qalasynyń eks-ákimi Ǵabıdolla Ábdirahymov onyń keńesshisi bolyp taǵaıyndaldy. Bul týraly  Qazaqstan premer-mınıstriniń baspasóz qyzmeti habarlady.

1975 jyly týǵan Ábdirahymov Qazaq memlekettik agrarlyq ýnıversıtetin bitirgen, "Bolashaq" baǵdarlamasymen nemis memlekettik basqarý joǵary mektebinde oqyp, memlekettik ákimshilendirý magıstri dárejesin alǵan. 

Buǵan deıin  Shymkent qalasynyń ákimi bolǵan Ábdirahymovty Qazaqstan prezıdenti Qasym-Jomart Toqaev tamyz aıynda qyzmetinen alyp tastaǵan. Onyń ákim qyzmetinen bosatylýyn Qazaqstan prezıdenti ákimshiliginiń basshysy Qyrymbek Kósherbaev "Bıliktiń bedeline nuqsan keltiredi. Búginde Ábdirahymovqa artylǵan saıası senim túgesildi" dep túsindirgen.