Edvard Snoýden: WhatsApp pen Telegram qaýipsiz emes

/image/2019/09/17/99bd1ccc188308ef9c79ca82d0065f2b-small.jpg

Amerıkalyq arnaıy qyzmettiń burynǵy qyzmetkeri Edvard Snoýden sheneýnikterge WhatsApp pen Telegram messendjerlerin qoldanbaýǵa keńes beredi, dep habarlaıdy Qamshy.kz aqparat agenttigi forbes.kz-ke silteme jasap.

France Inter saıtyna shyqqan suqbatta jýrnalıs Fransıa premer-mınıstri Edýar Fılıpp WhatsApp-ty, prezıdent Emmanúel Makron Telegram jelisin qup kóretinin aıtqan. Buǵan jaýap retinde Snoýden mınıstrlerdiń WhatsApp-ty qoldanýy "úlken qatelik" ekenin málim etti. Ol atalǵan qosymshanyń 2014 jyly Facebook-tyń qaramaǵyna ótkenin atap ótti.

– Olar qaýipsizdik deńgeıiniń qabattaryn sát saıyn joıyp otyr, – deıdi ol.

Onyń sózinshe, atalǵan qosymshalar qajet jaǵdaıda qoldanýshylardyń áńgimeleri men habarlamalarynyń mazmunyn bile alady. Dese de Snoýden WhatsApp pen Telegram jelileri qarapaıym sms-habarlamalarmen salystyrǵan qaýipsiz ekenin de aıtty. Onyń oıynsha Signal jáne Wire messendjerleri – eń qaýipsiz jeliler.

Buǵan deıin Telegram-nyń negizin qalaǵan Pavel Dýrov WhatsApp messendjerin ashyq synǵa alǵan bolatyn. Al Apple quryltaıshylarynyń biri Stıv Voznák jeke derekterdiń qaýipsizdigi úshin Facebook-tan shyǵyp ketýge keńes bergen. Ol óz akkaýndyn ótken jyly óshirip tastaǵan bolatyn.

Edvard Snoýden: WhatsApp pen Telegram qaýipsiz emes

Pikir qaldyrý

Qatysty Maqalalar