Elordada Abý-Dabı plaza qurylysshylary jumystan negizsiz shyǵyp qalǵandaryn aıtyp, "Nur Otan-ǵa" shaǵymdandy, dep habarlaıdy Qamshy.kz aqparat agenttigi sputniknews.kz.-ke silteme jasap.

40-tan astam jumysshy onyń ishinde santehnık, elektrık jáne montajdaýshy bolyp 9 aıǵa jýyq jumys jasaǵan. Jumystan shyǵarylatyndaryn bir kún buryn estigen qyzmetkerler merdiger fırmadan ótemaqy talap etýde.

Elorda ákimdiginiń málimetinshe, jınalǵandarmen qalanyń bas memlekettik eńbek ınspektory Erlan Ysmaǵulov pen Esil aýdanynyń prokýrory Damır Qataev kezdesti.

"Biz zań buzylyp otyr ma, joq pa, sony zertteýimiz kerek. Ol úshin ózimizdiń ákimdik bolsyn, eńbek ınspeksıasy bolsyn, prokýratýra bolsyn, solardyń kómegimen osy máseleni zerttep sheshýge tyrysamyz", - deıdi "Nur Otan" partıasy qoǵamdyq qabyldaý bólmesiniń bas keńes berýshisi Jumajan Júkenov.