Mınıstrlik qaǵazbastylyqty azaıtyp, eldi dúrliktirmeý úshin kredıti keshiriletin azamattardyń tizimin aryzsyz tártip boıynsha jasaǵan. Alty kategorıaǵa kiretin azamattardyń barlyǵy júıede bolǵan. Óıtkeni olardyń barlyǵy áleýmettik tólem alady.
Alaıda 2008 jylǵa deıin neke qurǵandar men balasy dúnıege kelgender arasynda arhıvtik derekteri sıfrlandyrylmaǵandar bar bolyp shyqty. Iaǵnı AHAJ (ZAGS) bazasynda bala ıa neke qatynasy týraly derek tabylmaǵan.
Nesıesi ótelmegen tulǵalar AHAJ organdaryna júginip, otbasy mártebesin retteýi tıis. Otbasy mártebesi týraly derekti elektrondyq-sıfrlyq qoltańba arqyly elektrondyq úkimet portalynan bilýge bolady. Nemese táýlik boıy isteıtin 111 nomerine qońyraý shalsa, operator otbasy statýsyn anyqtap, ary qaraı ne isteý kerektigin aıtyp beredi.
- asyraýshysynan aıyrylǵany úshin ótemaqy alatyndar;
- múgedek balalary bar otbasylar, bala kúnnen múgedektegi bar 18 jastan asqandar;
- memlekettik áleýmettik kómek alatyndar;
- jetim balalar;
- ata-ana qamqorlyǵynsyz qalǵan balalar, ata-anasynan kámeletke deıin aıyrylǵan 29 jasqa deıingi azamattar.
Joǵaryda atalǵan kategorıalarǵa kiretin erli-zaıyptylardyń ekeýiniń de boryshtyq júktemesi azaıtylady.
Eskerte ketelik, jalpy qaryzy 3 mln teńgeden asatyndardyń, qaryzdary kolektorlyq uıymdarǵa ótip ketken tulǵalardyń kredıti keshirilmeıdi. Sondaı-aq keshiriletin kredıt 2019 jylǵy 1 maýsymǵa deıin alynǵan bolýy tıis.
Pikir qaldyrý