Bul týraly Qorǵanys mınıstrliginiń saıty habarlady.
"21 qyrkúıekte tótenshe jaǵdaı saldaryn joıý jáne arnaıy jabdyqtalǵan polıgonnyń aýmaǵynda (Arys qalasynan 60 shaqyrym jerde) josparly jarý jumystary barysynda oq-dári fragmentiniń ózdiginen jarylysy oryn aldy.
Nátıjesinde kelisimshart boıynsha arnaıy daıyndalǵan 10 saper-áskerı qyzmetshi jarqynshaq jaraqatyn aldy.
Atalǵan áskerı qyzmetshiler Qazaqstan Respýblıkasy Qorǵanys Mınıstrliginiń dalalyq gospıtaline jatqyzyldy.
Olarǵa qajetti medısınalyq kómek tolyq kólemde kórsetilýde. Bolǵan oqıǵanyń sebepteri men jaǵdaılaryn anyqtaý úshin qajetti is-sharalar júrgizilip jatyr" delingen mınıstrlik habarlamasynda.
Pikir qaldyrý