QR Tuńǵysh Prezıdenti N.Á.Nazarbaevtyń 2013 jylǵy 1 naýryzda №511 jarlyǵymen qyrkúıektiń ekinshi jeksenbisi Otbasy kúni dep bekitilgeni belgili. Osyǵan oraı, oblysy QHA qoldaýymen «Qoǵamdyq kelisim» KMM–niń uıymdastyrýymen «Berekeli shańyraq» atty baıqaý ótti dep jazady Qamshy.kz aqparat agenttigi. Elbasynyń «Bolashaqqa baǵdar: Rýhanı jańǵyrý» baǵdarlamalyq maqalasy men Jastar jyly oraı túndigin túrgen shara bıyl semınar-trenıng festıvál túrinde jalǵasyn tapty.

Festıvaldiń maqsaty otbasylyq qundylyqtardy jáne rýhanı-adamgershilik qasıetterdi jandandyrý, ulttyq dástúrlerdi jańǵyrtý, etnomádenı birlestikterdiń úzdik jas otbasylaryn anyqtaý jáne kótermeleý, jas otbasy ınstıtýtyn qoldaý bolyp tabylady.

Sharaǵa jas otbasylar, jastar saıasaty jónindegi sarapshylar, respýblıkalyq jáne qalalyq etnomádenı birlestik ókilderi, QHA janyndaǵy Analar keńesi músheleri jáne jastartar qanaty birlestigi qatysty.

Festıvál oqytý kýrsy jáne festıvál-baıqaý boıynsha eki bólimde ótti. Birinshi bólimde qatysýshylarǵa «Otbasy ınstıtýtynyń qoǵamdaǵy róli» taqyrybynda jastar arasynda otbasylyq qundylyqtardy túsindirý, otbasyndaǵy janjaldy jaǵdaılardy sheshý boıynsha praktıkalyq quraldardy meńgerý úshin dáris oqyldy. Sondaı-aq qatysýshylar aýdıtorıanyń problemalaryn anyqtaýǵa, ómirde bolyp jatqan túrdi otbasylyq máselelerdi sheshýge jáne talqylaýǵa baǵyttalǵan trenıńke qatysty. Atalǵan dáris pen trenıńti oblys boıynsha «Baqytty otbasy» otbasylyq sottar janyndaǵy otbasyn qoldaý ortalyǵynyń úılestirýshileri uıymdastyrdy.

Al ekinshi bólimde etnıkalyq otbasylyq dástúrlerdi bilý, qatysýshylar oqytý kýrsy kezinde alǵan bilimderin, psıhologıalyq ıkemdiligin jáne kúrdeli otbasylyq máselelerdi sheshe bilýin saralaý maqsatynda túrli suraqtarǵa jaýap berip, tapsyrmalar oryndady.

Jıyrma jas otbasy baq synasqan básekeden nátejıesinde I oryn QR «Barbang» kúrdiler asosıasıasynyń Jambyl oblysyndaǵy fılıaly» qoǵamdyq birlestiginen Alıevterdiń áýletine buıyrdy. Dárejesine saı máreden birinshi kóringen otbasyǵa sońǵy úlgidegi televızor tartý etildi. II oryn «Jambyl oblystyq «Manas ata» qyrǵyz etnomádenı birlestigi» qoǵamdyq birlestiginen Shabdenbekterdiń qanjyǵasyna baılandy. Júldeli orynǵa shańsorǵysh turmystyq tehnıkalyq quraly tartý etildi. Al İİİ oryndy «Jambyl oblystyq «Kore» kárister asosıasıasy» qoǵamdyq birlestiginen qatysqan jas otbasy elshiledi. Jeńisti jup qysqa tolqyndy peshke ıe boldy. Qalǵan on jeti qatysýshynyń jeteýine belsene qatysqany úshin ydys-aıaq jabdyǵy berilse, on qatysýshyǵa toqpen qaınatylatyn sháınek tartý etildi. Sondaı-aq barlyq qatysýshyǵa sertıfıkattar men dıplomdar tabystaldy.

Marapattaý saltanatynan soń shaǵyn konserttik baǵdarlama uıymdastyryldy. Konsertte «Úkilim-aı» bı ansambli, Janbolat Talasbaı jáne «Bolashaq» vokaldyq trıosy óz ónerlerin kórsetip án men bıden shashý shashty.