Ekaterınbýrgtaǵy álem chempıonatynda 91 keliden joǵary salmaqta bokstasqan Qamshybek Qońqabaev kúmis júldege ıe boldy. 

Otandasymyz ózbekstandyq Bohodır Jalolovqa jol berdi.

Ózbekstandyq boksshy boıshań, qoldarynyń uzyndyǵynyń arqasynda ara-qashyqtyqty saqtap, Qońqabaevqa jaqynnan soqqy jumsaýyna múmkindik bermedi. Dese de basymdyq aıqyn boldy deýge kelmeıdi.

Qamshybek Qońqabaev osymen álem chempıonatynyń eki dúrkin kúmis júldegeri atandy.

Aıta keteıik, ózbekstandyq Bohodır Jalolov kásipqoı boksta alty jekpe-jek ótkizgen kásipqoı bylǵary qolǵap sheberi.

Álem chempıonatynyń qorytyndysy boıynsha komandalyq esepte Ózbekstan birinshi oryndy jeńip aldy. Jarys ıeleri Reseı quramasy ekinshi orynǵa jaıǵassa, úshtikti Qazaqstan enshiledi. Bizdiń quramada 1 altyn, 1 kúmis, 4 qola medal.