Qala ákiminiń ókimimen Almatynyń Sıfrlandyrý basqarmasynyń basshysy bolyp Baıan Qońyrbaev taǵaıyndyldy, dep habarlaıdy ákimdiktiń baspasóz qyzmeti.

B. Qońyrbaev 1986 jyly 27 tamyzda týylǵan. 2008 jyly Almatynyń Energetıka jáne baılanys ýnıversıtetin bitirgen. Ol – Sınhýa ýnıversıteti (Qytaı), Shveısarıanyń bıznes akademıasy (Shveısarıa), Massachýsetc tehnologıa ınstıtýty (AQSH) syndy sheteldik joǵary oqý oryndarynyń túlegi.

Eńbek jolyn 2009 jyly «Suńqar» medısınalyq kompanıasynyń Qytaıdaǵy ókili bolyp bastaǵan. Ár jyldary QHR, AQSH kompanıalarynda jumys istegen.

2018 jyldyń maýsymynan qazan aıyna deıin «Qazatomónerkásip» UAK» AQSatý departamentiniń bas menedjeri qyzmetin atqarǵan.

2018 jyldyń qazanynan jańa taǵaıyndaýǵa deıin «Qazatomónerkásip» UAK» AQ Bıznes transformasıasy departamentiniń dırektory laýazymynda bolǵan.

Eske salsaq, Sıfrlandyrý basqarmasy Almaty ákimi B. Saǵyntaevtyń tapsyrmasy boıynsha qurylyp otyr. Jańa basqarmanyń mindeti – aqyldy qalanyń jańa jobalaryn engizý, memlekettik qyzmetti avtomattandyrýdy aıaqtaý, Almatyda IT-sektor úlesiniń artýyna jaǵdaı jasaý.