Qarjy mınıstrligi jer jáne múlik salyǵyn 1-inshi qazannan keshiktirmeı tóleý kerek ekenin eskertedi dep jazady Qamshy.kz aqparat agenttigi inform.búro saıtynyń deregine negizdelip. 

 QR Qarjy mınıstrligi jurtshylyqpen baılanys basqarmasynyń basshysy Oljas Otar: "Jer jáne múlik salyǵy tóleý 1 qazannan keshiktirilmeýi tıis. 19 qyrkúıekten bastap múlik salyǵy men jer salyǵy týraly SMS-habarlamalar qazaqstandyq salyq tóleýshilerge (jeke tulǵalarǵa) jiberilip jatyr", – dep málimdeme jasady.

Jiberilgen SMS-habarlamada kórsetilgen múlik salyǵy men jer salyǵynyń somasyna:

• 2018 jylǵa eseptelgen salyqtary;
• 2019 jylǵy 16 qyrkúıektegi jaǵdaı boıynsha jeke tulǵalardyń shottarynda qalyptasqan bereshek jáne artyq tólemder somalary qosylǵan.

Salyq týraly habarlama 3 túrli tásilmen oryndalady.

• SMS-habarlamasy arqyly;
• komýnaldyq qyzmetterdi jetkizýshilerdiń kýrerlik qyzmeti arqyly;
• egov.kz, ıaǵnı "Salyq tóleýshiler kabıneti" qyzmetin paıdalanýshylarǵa elektrondy túrde jiberildi.