16-23 qyrkúıek kúnderi Iran Islam Respýblıkasynda karateden halyqaralyq "Urmia Open" týrnıri ótti, dep habarlaıdy Atyraý oblysynyń Óńirlik komýnıkasıalar qyzmeti.

Álemniń myqtylary qatysqan saıysta atyraýlyq sportshy, jasóspirimder Olımpıada oıyndarynyń júldegeri Ábilmansur Batyrǵalı baq synap, 67 keli salmaqta eresekter arasynda qola júldege ıe boldy.

Ábilmansur Ázirbaıjannan kelgen qos sportshyny jáne Armenıa, Iran, Ózbekstan sportshylaryn utyp, jartylaı fınalda ırandyq sportshyǵa ese jiberip aldy.

Al 16-17 jas aralyǵynda 61 keli salmaqta taǵy bir jerlesimiz Nursultan Qalıev alty kezdesý ótkizip, jarys jeńimpazy atandy. Ol irikteý kezeńderinde Irannyń úsh sportshysyn jáne Túrkıa men Ázirbaıjan sportshylaryn utyp, aqtyq synda taǵy bir ırandyqty qapy qaldyrdy.

Aıta keteıik, endi qos sportshymyz álem chempıonatynda el namysyn qorǵaıtyn bolady.