Mádenıet jáne sport vıse-mınıstri Nurǵısa Dáýeshev fılm búdjetine "Tomırıs"  2 mlrd 259 mln teńge jumsalǵanyn aıtty dep jazady Qamshy.kz aqparat agenttigi informburo.kz aqparatyna súıenip.

 "Qazaqfılm" kınostýdıasy Mádenıet jáne sport mınıstrliginiń tapsyrysymen "Saıfılm" kınostýdıasymen túsirgen, bas prodúseri – Álıa Nazarbaeva.

 Fılmge elimizdiń tanymal kınojuldyzdary Dımash Ahımov, Erik Joljaqsynov, Baıkenje Belbaev, Berik Aıtjanov, Erkebulan Daıyrov, Murat Bısembın, Azamat Satybaldy, Ádil Ahmetov, Aıjan Laıdjı, Aıan Ótepbergen, Asylhan Tólepov, Asqat Úrpekovter túsken.

  Fılm tórt úlken lokasıa – Shúnja, Qapshaǵaı jáne Almaty, Kókshetaý jerlerinde túsirilgen. Túsirilim barysynyń uzaqtyǵy 93 kúnge sozylyp, bir ýaqytta 800-ge jýyq adam jumys istegen. 

 Basty róldi somdaǵan aktrısa Almıra Tursyn:  "Men obrazǵa enerde qıynshylyqtar kezdesti. Óıtkeni meniń bolmysyma jat dóreki is-qımyldardy, tóbeles, atpen júrýdi meńgerýim kerek boldy", – deıdi.