Aldaǵy aptada Qytaı Qazaqstanmen aradaǵy shekarada ornalasqan ótkizý beketterin úsh kúnge jaýyp tastaıdy. Aqparatty ulttyq qaýipsizdik komıteti rastady dep habarlaıdy Qamshy.kz aqparat agenttigi sputniknews.kz saıtyna silteme jasap.

1 qazanda Qytaı halyq respýblıkasynyń qurylǵan kúni atalyp ótedi. Osy memlekettik meıramǵa baılanysty 1-3 qazan kúnderi Qazaqstan–Qytaı memlekettik shekaradaǵy ótkizý beketteri jabyq bolady. Áýe jáne temirjol qatynasy jabylmaıdy. Al 4 qazanda adamdar men júkterdi ótkizý jumysy qaıta bastalady. 

QHR-dyń qurylǵan kúni – osy eldiń negizgi memlekettik meıramy. Mereke jyl saıyn atalyp ótedi. 1949 jyly Beıjiń qalasyndaǵy Tánanmen alańynda Qytaı halyq respýblıkasynyń qurylǵany týraly málimdeme jasaldy. Bas kezinde osy meıramda jyl saıyn áskerı sherýler uıymdastyryldy. Mádenı revolúsıanyń nátıjesinde mundaı sharalar toqtatylǵan bolatyn. Degenmen, 1984 jyly qaıtadan qolǵa alyndy. 2009 jyly ótken sońǵy áskerı sherýde Qytaı áskerı tehnıkanyń sońǵy úlgilerin kórsetti.

Qytaıda bul meıram kezinde bir apta boıy demalys bolady. Qala kóshelerinde gúlden san alýan kompozısıalar jasalyp, merekelik sharalar men ot-shashý bolady.

Aıta keteıik, bıyl Qytaı osymen ekinshi ret shekara beketterin jaýyp otyr. Sońǵy ret mundaı shara 1-5 mamyr aralyǵynda bolǵan edi. Ol kezde Kóktem men Eńbek meıramy toılandy.