Orta salmaqta álem chempıony bolǵan Gennadıı Golovkın Saýl "Kanelo" Alvarestiń nelikten úshinshi kezdesý ótkizýden bas tartyp otyrǵanyn túsindirdi, - dep habarlaıdy Qamshy.kz aqparat agenttigi vesti.kz saıtynyń deregin negizge ala otyryp. 

Golovkınniń aıtýynsha, "Kanelo" naǵyz qarsylasymen shyqpas úshin Sergeı Kovalevpen judyryqtasýdy uıǵarǵan. Aıta keteıik, Golovkın men Alvares osyǵan deıin eki ret sharshy alańda judyryqtasty. Olardyń birinshi kezdesýi 2017 jyly qyrkúıekte teń aıaqtaldy, al bir jyldan soń tóreshiler jeńisi meksıkalyqqa bergen edi.

"Men ózimdi jaqsy sezinemin, chempıon sekildi. Men úshin ár jekpe-jek chempıondyq kezdesý. Ózimdi árdaıym birkelki sezinemin. Barlyq jekpe-jek men úshin mańyzdy.

Alvares menimen judyryqtasqysy kelmeıdi, ne judyryqtasa almaıdy, óıtkeni ol ózine tıimdi jalǵy joldy tańdap, Kovalevpen judyryqtasatyn boldy. Ol maǵan jekpe-jek usynyp, ózi bas tartty. Bul degenimiz - menimen sharshy alańda kezdespeý ushin Kovalevti tańdaǵany.

Qarsylasty baǵalamaýǵa bolmadı. Kez kelgen jaǵdaıda qarsylasqa daıyndalý kerek. Bul dýel sekildi. Buǵan deıin qansha dýel ótkizgeniń mańyzdy emes. Osy eń sońǵysy bolýy múmkin. Derevánchenkonyń jekpe-jekke degen qarym-qatynasy men maǵan degen syılastyǵy, Sergeıdiń tıanaqty daıyndyǵynyń belgisi", - deıdi Golovkın. 

Golovkın 5 qazanda Nú-Iorkte sharshy alańǵa qaıtyp oralady. Ol ýkraınalyq Sergeı Derevánchenkomen judyryqtasyp, orta salmaqta IBF jáne IBO belbeýlerine talasatyn bolady.  2 qarashada Las-Vegasta Alvares-Kovalev kezdesýi ótedi. Olar jartylaıaýyr salmaqta WBO belbeýine talasaatyn bolady.