Astyq túsiminiń tómendigi nan baǵasyna bolar-bolmas áser etýi múmkin dep habarlaıdy Qamshy.kz aqparat agenttigi sputniknews.kz saıtyna silteme jasap.

Aýyl sharýashylyǵy birinshi vıse-mınıstri Aıdarbek Saparov: "Nan baǵasyna toqtalsaq, ázirge ol turaqty. Áleýmettik nannyń bir bólkesi – 78 teńgeden 85 teńgege deıin. Bıdaı baǵasy ósken jaǵdaıda, áleýmettik-kásipkerlik korporasıalar, ákimdikterdiń turaqtandyrý qorlary, "Azyq-túlik kelisim shart korporasıasy" iske qosylady", - dedi.

Vıse-mınıstrdiń pikirinshe, nannyń qymbattaýy jaıly aıtý áli erte.

"Egin orý naýqany áli júrip jatyr, astyq alqabynyń shamamen 20 prosenti orylǵan joq. Baǵa ósken kúnniń ózinde, bolar-bolmas qana kóteriledi. Biraq áleýmettik nannyń baǵasy sol kúıinde qalady, óıtkeni qazir ákimdikter turaqtandyrý qorlaryna un satyp alyp, qamdanyp jatyr. Áleýmettik nanǵa qatysty problema kórip turǵan joqpyz", - dedi ol.

Mınıstrliktiń málimetinshe, qazir 2,5 mıllıon tonnadan astam astyq elevatorlarǵa jetkizilgen.

"Bıdaı ylǵaldy kúıinde tústi. Alaıda oblystardyń ótinishimen úkimet astyqty keptirý úshin qyrmandarǵa taǵy 50 myń tonna janar-jaǵarmaı bólip jatyr", - dedi Saparov.