Jambyl oblysy «Nur Otan» partıasy Baızaq aýdandyq fılıaly Partıalyq baqylaý komısıasy men Sybaılas jemqorlyqqa qarsy is-qımyl jónindegi qoǵamdyq keńesi birlesken otyrys ótkizdi dep jazady Qamshy.kz aqparat agenttigi.

«Nur Otan» partıasy aýdandyq fılıaly Partıalyq baqylaý komısıasy tóraǵasynyń orynbasary Altynbek Jamıshjanovtyń tóraǵalyǵymen ótkizilgen otyrystyń kún tártibine eki másele shyǵaryldy. Aldymen kún tártibine sáıkes, “Baızaq aýdany boıynsha mektepterdiń 2019-2020 jańa oqý jylyna daıyndyǵy týraly” aýdan ákimdigi bilim bóliminiń basshysy Nurjan Nuralıev esep berdi. Baıandamashy jańa 2019-2020 oqý jylynda aýdanda 87 bilim berý uıymdary jumys isteıtinin, osy bilim berý mekemelerinde 20 851 oqýshy bilim alýda ekenin jetkizdi.

Bilim nysandaryn jańa oqý jylyna daıyndaý maqsatynda, aǵymdaǵy jyly jergilikti búdjetten jalpy quny 15 mln. 150 myń teńge bólingenin aıtty. Sonymen qatar, órt satylaryn synaqtan ótkizý jáne órtke qarsy dabylqaqqyshtardy aǵymdaǵy jóndeýden ótkizýge qarjy qarastyrylyp, birqatar mektepterdiń eskirgen ájethanalary jańalanǵan. Bilim nysandaryn qysqy jylytý maýsymyna daıyndaý maqsatynda, jergilikti búdjetten 2 163 tonna qatty otynǵa 36720,0 myń teńge, kógildir otynǵa 44089,0 myń teńge qaralypty. Qazirgi tańda, qatty otyn tolyǵymen mektepterge tasymaldanǵan eken. Mektepke deıingi bilim mekemeleriniń 28-i gazǵa qosylsa, 9-y qatty otynmen jylytylady. Aǵymdaǵy jylǵa 397 tonna qatty otynǵa suranys berilip, búgingi kúnde onyń 282 tonnasy túsirilgen. Qalǵan 117 tonnasy 10 qyrkúıekke deıin alynbaq.

Budan bólek, osy jyly jergilikti búdjetten qaralǵan qarajatqa Býryl, Sh.Ýálıhanov orta mektepteriniń jylý júıeleri aýystyrylyp, A.Sýhanbaev, Amangeldi orta mektepteriniń jylytý qazandyqtaryna aǵymdaǵy jóndeý jumystary júrgizilýde eken. Al, Abaı orta mektebiniń jylytý qazandyǵy qaýipsiz aımaqqa shyǵarylsa, A.S.Pýshkın, Aqqıa orta mektepteri men “Saıaly”, “Erasyl” bóbekjaı – baqshalarynyń jylytý qazandyqtary kógildir otynǵa qosylǵan.

Óz kezeginde otyrys tóraǵasy Altynbek Jamıshjanov mektepter men balabaqshalardy qatty otynmen qamtý, qysqy kezeńde jaryq máselesi boıynsha avtonomdy rejımge daıyndyq barysy týraly surasa, komısıa músheleri Sholpan Baıtaqova bilim berý salasyna jas mamandardy tartý, kvotamen jumysqa ornalastyrý, Altaı Tastanov Kóktal aýylyndaǵy qurylysy aıaqsyz qalǵan mektep máselesine kóńil aýdardy. Al, komısıa múshesi Sáken Moldabekov gaz kirgizilip jatqan eldimekenderdegi mektepterge gaz tartý, qatty otynnan kógildir otynǵa aýystyrý joldary jóninde saýalyn joldady. Nurjan Toqbergenuly komısıa músheleriniń suraqtaryna naqty jaýaptar qaıtardy. Sonymen qatar, kún tártibinde partıa músheleri, burynǵy aýdan ákimdiginiń bilim bólimine qarasty «Jansaıa» bóbekjaı – baqshasynyń meńgerýshisi

Baǵlan Tajıbaeva men «Dáýlet» balabaqshasynyń meńgerýshisi Gýlnýr Jakypbekovanyń partıalyq jaýapkershilikterin qaraý týraly másele qaraldy. Nátıjesinde otyrys qatysýshylary tarapynan aýdandyq partıa fılıaly Saıası keńesiniń Búrosyna «Jansaıa» bóbekjaı – baqshasynyń meńgerýshisi Baǵlan Tajıbaeva men «Dáýlet» balabaqshasynyń meńgerýshisi Gýlnýr Jakypbekova «Nur Otan» partıasy» qoǵamdyq birlestigi Jarǵysynyń 3.6 – tarmaǵy, 2 –tarmaqshasy, 3.8 – tarmaǵyna jáne «Nur Otan» partıasy múshesiniń Etıka kodeksiniń 1 – tarmaǵy, 8-9-13 – tarmaqshalary talaptaryna sáıkes, partıalyq jaýapkershilikterin qaraý usynyldy. Otyrys sońynan kún tártibindegi máselelerge qatysty tıisti qaýlylar qabyldandy