Almaty ákimi B. Saǵyntaev birinshi qazan kúni Túrkistan oblysyna jumys saparymen bardy. Ol eń aldymen Arys qalasynda jóndelgen – qalpyna keltirilgen jumystardyń sapasyn tekserdi, dep jazady almaty.gov.kz saıty.

Eske salsaq, qala 24 maýsymda bolǵan jarylys saldarynan aıtarlyqtaı zardap shekken edi. Búkil el bolyp jumylyp, qala qalpyna keltirildi. Ol úshin oblystar men respýblıkalyq mańyzy bar qalalar sany boıynsha Arys 17 sektorǵa bólindi. Almatyǵa № 14 sektor berildi.

Ońtústik astananyń jaýapkershilik aımaǵynda qalpyna keltirýdi qajet etetin 531 úı anyqtaldy. Eger 503 úıdiń jóndeý jumystary týraly (buzylý deńgeıine oraı kúrdeli nemese kosmetıkalyq jóndeý) áńgime qozǵalsa, 28 úıdi qaıta salyp shyǵý qajet boldy.

Almaty sektoryn bes kompanıanyń 300-den astam qurylysshylary qalpyna keltirdi.