Bilim jáne ǵylym mınıstri Asqat Aımaǵambetov kópbalaly analarǵa kvotamen grant berý bastamasyn túsindirdi, dep habarlaıdy Qamshy.kz aqparat agenttigi Sputnik Qazaqstan tilshisiniń deregine súıene otyryp. 

Bilim jáne ǵylym mınıstri Asqat Aımaǵambetov sózinshe kóp  balaly ana da  múgedek men jetim balalarǵa beriletin kvotany alýǵa quqyly bolady. 

"Endi, búginde bul kvotaǵa úlken suranys joq. Biraq kópbalaly analarmen kezdeskende osyndaı usynystar túsken. Jalpy, qazir kópbalaly analardy jumysqa tartýymyz kerek, olarǵa bilim berýimiz kerek dep aıtyp jatyrmyz ǵoı. Sondyqtan osy turǵyda kópbalaly analar oqımyz dese, biz ondaı múmkindik berýge daıynbyz", - dep atap kórsetti Aımaǵambetov.

Kóp balaly ana UBT tapsyryp, shektik bal alǵannan keıin grant úshin basqa da úmitkerlermen birge baıqaýǵa túsetin bolady.