Bıyl SHQO Zaısan aýdanynda az qamtylǵan jáne kóp balaly otbasylarǵa ataýly áleýmettik kómek taǵaıyndaý maqsatynda 723,6 mln teńge qarastyrylǵan. Oǵan oblystyq búdjetten 124,8 mln. teńge, respýblıkalyq búdjetten 422,4 mln. teńge, Ulttyq qordan – 176,4 mln. teńge bólingen. Bul týraly óńirlik komýnıkasıalar qyzmetinde ótken brıfıńte Zaısan aýdanynyń ákimi Serik Aqtanov málim etti.

Aǵymdaǵy jyl basynan beri 946 otbasyǵa ataýly áleýmettik kómek taǵaıyndaldy. Bul maqsatty 310,9 mln teńge bólindi. Serik Aqtanov brıfıń barysynda osylaı dedi.

– Óńir basshysy Danıal Ahmetovtiń tapsyrmasyna oraı aǵymdaǵy jyldyń shilde aıynda «Paryz» oblystyq qory arqyly 11 otbasyna turǵyn úı berildi, – dedi aýdan basshysy.

Az qamtylǵan otbasylarynan shyqqan, jetim balalardyń jáne ata-anasynyń qamqorlyǵynsyz qalǵan balalardyń oblystyń joǵary oqý oryndaryndaǵy oqýyn tóleý úshin úsh stýdentke 679,8 myń teńge qarajat aýdaryldy.