Jıyrma jeti jastaǵy jigit bótelkelesin pyshaqtap óltirdi dep aıyptalǵan.

Qandy qylmys byltyr Talǵar aýdanynda bolǵan. Jańa jyl qarsańynda tórt jigit iship otyryp tóbelesip qalady. Úsheýi jabylyp 35 jastaǵy jergilikti turǵyndy pyshaqtap tastaǵan. Qylmysyn jasyrý úshin kúdiktiler marqumnyń denesin arbamen aýyldyń syrtyna aparyp, turmystyq qaldyqtarmen birge órtep jibergen eken. Alaıda jedel izdestirý barysynda marqumnyń máıiti tabylyp, eki kúdikti birden ustalǵan. Al iz jasyryp úlgergen úshinshisine  halyqaralyq izdeý jarıalandy. Sóıtse ol osy kúnge deıin Almaty qalasynda boı tasalap júrgen eken. Qamaýǵa alynǵan azamatqa qatysty kisi óltirý babymen is qozǵalyp, tergeý júrip jatyr.    

Ernar Saıdildın, Almaty oblystyq polısıa departamentiniń resmı ókili:

– Talǵar aýdanynyń tártip saqshylary bir táýlikte qylmysqa qatysty úsh kúdiktiniń tulǵasyn anyqtady. Ekeýi sol kúni quryqtalyp, úshinshisi memleketaralyq izdeýge jarıalandy. Ol týraly málimet barlyq polısıa bólimderine, ınternet pen BAQ-qa ornalastyryldy. Jedel izdestirý kezinde úshinshi kúdikti de ustalyp, Talǵar qalasyna jetkizildi.