Aıtysker aqyn Jarqynbek Naýshabekov qaıtys boldy dep jazady Qamshy.kz aqparat agenttigi. Bul týraly "Aıtys aqyndary men jyrshy termeshilerdiń halyqaralyq odaǵy" qoǵamdyq birlestigiń Aitysker.org saıty habarlady. 

Saıttyń habarlaýynsha, aqyn keshe, qazannyń 2-i kúni qaıtys bolǵan.

"Qazan aıynyń 2 juldyzynda belgili  aqyn, Ońtústik óńirindegi  aıtys óneriniń talantty ókilderiniń biri  — Jarqynbek Naýshabekov 44 jasyna qaraǵan shaǵynda  aýyr naýqastan ómirden ótti", - delingen odaq saıtynyń habarlamasynda. 

Jarqynbek Naýshabekov 1976 jyly 12 qańtarda OQO (qazirgi Túrkistan oblysy) Saryaǵash aýdany Aqtóbe aýylynda dúnıege kelgen. 1997 jyly Arqalyq qalasyndaǵy Y.Altynsarın atyndaǵy pedagogıkalyq ınstıtýtty bitirgen. Aıtys ónerine mektep jasynan aralasqan. Alǵashqy iri jeńisi,   1992 jyly Shymkent oblystyq jas aqyndar aıtysynyń bas júldesin jeńip alǵan.  Respýblıkalyq, halyqaralyq aqyndar aıtysynyń birneshe dúrkin jeńimpazy. 2008 jyldyń qorytyndysy boıynsha "Ońtústik Qazaqstan oblysynyń eń úzdik aıtysker aqyny" nomınasıasyn ıelengen. "QR Táýelsizdigine 20 jyl" medalimen nagradtalǵan. Ómiriniń sońǵy kezeńderi  Saryaǵash aýdandyq tilderdi oqytý jáne damytý ortalyǵynyń dırektory qyzmetin atqarǵan.