Ádiletti salyq salý júıesi jáne tıimdi qarjylyq retteý-Memleket basshysy Qasym-Jomart Toqaevtyń «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda aıqyndalǵan basty baǵyttyń biri. Bul turǵyda Prezıdent: «Jalpy ishki ónim men halyq tabysynyń artýyna qaramastan, qoǵamdaǵy múliktik jiktelý úderisi saqtalyp otyr, tipti kúsheıip barady.

Bul – alańdatarlyq faktor. Sondyqtan oǵan erekshe nazar aýdarý kerek. Ulttyq tabystyń ádil bólinýine basa mán bere otyryp, salyq júıesin jańǵyrtý qajet dep sanaımyn» dep atap kórsetip, Úkimetke naqty mindetter júktedi.

Jambyl oblysyndaǵy Qordaı aýdanynda memlekettik búdjetke túsetin salyqtyq jáne basqa da mindetti tólemder boıynsha jalpy salyq túsimi 4131,9 mıllıon teńgege josparlansa, naqty oryndalǵany 4820,4 mıllıon teńgeni qurap otyr. Iaǵnı jospar 688,5 mıllıon teńgege artyq oryndalyp, 116,7 paıyzdy mejeledi.

2019 jylǵa Qordaı aýdanynyń naqtylanǵan jalpy búdjetiniń kiris kólemi 21 267 929,0 myń teńgeni quraǵan. Onyń ishinde aýdandyq búdjet 20 679 382 myń teńge bolsa, aýyldyq búdjet 2393050,0 myń teńge kóleminde. Al aýdandyq búdjettiń shyǵys bóligi 21 563 216 myń teńgeni quraǵan.

Sonymen qatar bıylǵa aýdandyq búdjettiń kiris bóligi 16 613 168 myń teńgege bekitilgen. Degenmen 2019 jyldyń naqtylanǵan búdjetimen salystyrǵanda soma 4 066 214 myń teńgege ulǵaıyp, 20 679 382 myń teńgeni quraıdy.

2019 jylǵa aýdandyq búdjettiń bekitilgen ózindik kiristeriniń jospary 2 255 173 myń teńge jyl basynan bekitilgen jospardan 41 500 myń teńgege ulǵaıyp, 2 296 673,0 myń teńgeni qurady.

Aýdandyq búdjettiń bekitilgen shyǵys bóligi 16 613 168 myń teńge naqtylanǵan búdjetimen salystyrǵanda 4 341 527 myń teńgege ulǵaıyp, 20 954 695 myń teńgeni qurady.

Halyq sany 2 000-nan asatyn 16 aýyldyq okrýgterdiń 2019 jylǵa bekitilgen búdjeti 1 954 408 myń teńge bolsa, naqtylanǵan búdjet 2 393 050 myń teńgeni quraǵan. Al 2019 jylǵa aýyldyq okrýgterdiń shyǵys kólemi 2 485 927 myń teńge kóleminde qalyptasyp otyr.

Jalpy, búginde aýdan búdjetiniń shyǵys bóligi jospardaǵy 13029,3 mıllıon teńgeniń 12941,0 mıllıon teńgesi nemese 99,2 paıyzǵa ıgerildi. Bekitilgen mejedegi ındıkator 98 paıyzǵa jospralanyp, naqty oryndalýy 1,2 paıyzǵa artqan. Al aýyldyq okrýgter búdjetiniń shyǵys bóligi jospardaǵy 1608,6 mıllıon teńgeniń 1593,8 mıllıon teńgesi nemese 99,1 paıyzǵa ıgerilip otyr.