Elimiz egemendik alǵaly beri aýyl sharýashylyǵyn damytý máselesi kún tártibinen túsken emes. Elbasy-Qazaqstan Respýblıkasynyń Tuńǵysh Prezıdenti N.Nazarbaev Qazaqstan halqyna jyl saıynǵy Joldaýlarynda agroónerkásip keshenin damytý máselesin nazardan tys qaldyrǵan joq. Memleket basshysy Qasym-Jomart Toqaev ta salaǵa serpilis syılaý maqsatynda strategıalyq maqsattar qoıyp otyr.

Aýyl sharýashylyǵyn damytý máselesi aıtylǵan jerde veterınarıalyq qaýipsizdiktiń de qatar júretindigi daýsyz. Óıtkeni, tóskeıdi tórt túlikpen toltyrý turǵysynda mal dárigerlerine artylatyn mindet te zor. Sondyqtan da memleket keıingi jyldary veterınarıalyq nysandardyń sanyn arttyrýmen qatar sala mamandaryn yntalandyrýǵa baǵyttalǵan keshendi sharalardy júzege asyrýda. «Dıplommen aýylǵa» baǵdarlamasy aıasynda áleýmettik qoldaýǵa ıe bolatyn mamandyqtarldyń qataryna jas veterınarlardyń engizilýi de osy sózimizdi nyqtaı túskendeı.

Búginde Qordaı aýdanynda da veterınarıa salasyn damytýǵa baǵyttalǵan tyndyrymdy tirlikter atqarylýda. Bekitilgen mejege sáıkes aýdandaǵy 5 veterınarıalyq pýnkterdi ǵımarattarmen qamtý josparlanǵan. Esepti kezeńde Alǵa jáne Noǵaıbaı aýyldyq okrýgterine 10,4 mıllıon teńgege ǵımarattar satyp alyndy. Al Qarasaı, Masanshy jáne Qarasý aýyldyq okrýgteri jaldanǵan veterınarıalyq pýnktermen qamtyldy. Qasyq aýyldyq okrýginde jyldyn sońyna deıin veterınarıalyq pýnkt satyp alý josparlanýda.

Sondaı-aq, Sulýtór, Alǵa, Noǵaıbaı aýyldyq okrýgteri iri qara maldaryn ektoparazıtterge qarsy dárileýge arnalǵan 3 dýshpen qamtyldy. Odan basqa Qarasaı jáne Masanshy aýyldyq okrýgterinde jyl sonyna deıin qamtylýy josparlanýda.

Aýhatty jáne Sortóbe aýyldarynda bıotermıalyq shuńqyr salynatyn jer telimderi anyqtalyp, jobalyq smetalyq qujattary ázirlendi.

Qordaı aýylynda ıesiz ıt-mysyqtardy ustaýǵa arnalǵan pıtomnıkke jer telimi anyqtalyp, jobalyq smetalyq qujattar daıyndalyp otyr.

Epızootıaǵa qarsy is-sharalardy júrgizýge jergilikti búdjetten 203,5 mıllıon teńge jáne enzootıalyq aýrýlarǵa qarsy 1,3 mıllıon teńge bólinip, is-sharalar tolyǵymen oryndaldy.