Jambyl oblysynda «Aýyl–el besigi» jobasy aıasynda aýyl sharýashylyǵy ónimderin óndirýde joǵary jetistikterge qol jetkizgen agroqurylymdardyń tabysqa jetý syrlary, jumys jasaý jumysyn nsıhattaý sharalary óz deńgeıinde nasıhattaý qolǵa alynýda, dep jazady Qamshy.kz aqparat agenttigi. 

Bul joba Elbasy-Tuńǵysh Prezıdent Nursultan Nazarbaevtyń ótken jylǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýynda aýyl eńbekkerlerin nasıhattaý, shalǵaı eldi mekenderdegi áleýmettik ortany jaqsarta túsý maqsatynda júzege asyrylyp otyr.

–Elbasy tapsyrmasymen iske qosylǵan bul joba aýyldyq aýmaqtardyń ondaǵy eńbek adamdary mártebesiniń joǵary ekenin tanytýdy maqsat etedi. Sondaı-aq jalpy qoǵamnyń aýylǵa degen kózqarasyn ózgertý arqyly agroónerkásip kesheniniń tabystylyǵyn arttyrýdy kózdeıdi. Atalǵan jobany iske asyrý barysynda «Qarqyndy baqtar bizdiń bolashaq», «Ekologıalyq tazalyq» dep atalatyn sharalar da ótkizildi. Bul sharalar aıasynda kóktem aılarynda aýyldyq jerlerde baqtardy otyrǵyzý jáne kúzde jınaý aksıalary jáne ekologıalyq tazalaý aksıalary júzege asyrylady. Sondaı-aq «Aýyl–el besigi» jobasy aıasynda aldaǵy ýaqytta óńirdegi aýyl sharýashylyq ónimderin óndirý boıynsha tabysty sharýa qojalyqtardy «Úzdik fermer» jáne «100 jańa fermer» baıqaýy arqyly keńirek nasıhattalatyn bolady. Eń úzdik aýyl sharýashylyq qurylymdaryn tanytýdy maqsat etken baıqaý aýdan, oblys, respýblıka deńgeıinde ótkiziledi. Munan bólek respýblıka kóleminde «Jyl fermeri» anyqtalady. Aýyl sharýashylyq qurylymdarynyń eńbekkerlerine arnaýly memlekettik marapattar tabystalyp, yntalandyrýlar sharalaryna tartylady.

Bul jobany tabysty iske asyrýdyń bir kórinis aýyl taqyryptarynda serıaldar men kórkemdik fılmderdi túsirip, prokatqa berýden kórinbek, –deıdi Jambyl oblysynyń «Rýhanı jańǵyrý» jobalyq ofısiniń jetekshisi Serikbol Berikqoja.

Rasynda turǵyndarynyń jartysynan kóbi aýyldyq eldi mekenderde turatyn Qazaqstan úshin aýyl eńbekkerleriniń ómirin nasıhattaý, olardyń jetistikterin kópke úlgi etý ıdeologıasynyń tıimdi tusy kóp-aq. Sáıkesinshe agro salasy jaqsy damyp kele jatqan bizdiń óńirde de bul joba aıasynda isi kópke úlgi etiletin tulǵalar tabylary anyq.