Aqtóbe oblysynda oqýshylar mingen avtobýs jol apatyna ushyrady, - dep habarlaıdy Tengrinews.kz tilshisi óńirlik polısıa departamenti baspasóz qyzmetine silteme jasap. 

Jol-kólik oqıǵasy Aqtóbeden 13 shaqyrym jerde "Soltústik aınalma" tasjolynda bolǵan. Aldyn ala málimet boıynsha, avtobýs júrgizýshisi qala jaqtan kele jatqan. Jol qozǵalysy erejesin buzyp, Nissan avtokóligimen soqtyǵysqan. Jeńil kóliktiń tizgininde Tájikstan azamaty bolǵan. 

Aqtóbe oblystyq polısıa departamentiniń dereginshe, "avtobýs júrgizýshisi ekinshi dárejeli jolǵa shyqqan kezde jol erejesin buzyp, "Nıssan" kóligine soǵylǵan". Jeńil kólikte Tájikstan respýblıkasynyń azamaty bolǵan. Oqıǵadan avtobýsta bolǵandardyń kóbirek zardap shekkeni aıtylady.

Polısıa dereginshe, oqýshylar Aqtóbe qalasyndaǵy mektepterdiń birinde besinshi synypta oqıdy. Ata-analar tabıǵatqa shyqpaq bolyp, jeke avtobýs jaldaǵan. Ata-analardyń bul josparyn mektep ákimshiligi bilmegen.