QR prezıdenti janyndaǵy Ortalyq komýnıkasıalar qyzmetinde QR qazaq kúresi federasıasynyń jyldyq esep berý konferensıasy aıasynda baspasóz maslıhaty bolyp ótti. Konferensıaǵa Aqparat jáne qoǵamdyq damý mınıstri Dáýren Abaev jáne QR qazaq kúresi federasıasynyń prezıdenti Arman Shoraev qatysty, dep jazady Qamshy.kz aqparat agenttigi. 

QR qazaq kúresi federasıasynyń prezıdenti Arman SHORAEV 2013-2019 jyldar aralyǵyndaǵy federasıanyń jumysy men jalpy damýy jaıly aıtyp ótti. Baıandamasy barysynda ulttyq kúrestiń damýyndaǵy birqatar erekshelikter, ózgerister, álemdik sporttaǵy qazaq kúresiniń oryny jaıly oıymen bólisti.

Arman Tólegenuly Federasıany basqarǵan jyldarda "Qazaqstan Barysy" jobasyn ulttyq ıdeıaǵa aınaldyrdy. Qazaq kúresiniń balýandaryn elimizdegi eń tabysty sportshylar qataryna qosty.

Sondaı-aq, "Álem Barysy", "Eýrazıa Barysy", "Jas Barys", "Halyq Barysy" jobalary arqyly qazaq kúresi sportshylarynyń áleýmettik lıftin qalyptastyrdy. Federasıany "Sporttyq jekpe-jek jáne kúsh qoldanylatyn sport túrleri konfederasıasynyń" quramyna qosty.

Onyń ishinde, tarıhı qadamdardyń biri – qazaq kúresin IýNESKO-nyń Dúnıejúzilik muralar tizimine engizdi. Halyqaralyq "Qazaq kuresi" federasıasynyń qurylýyna negiz boldy.

Federasıanyń tizginin ustaǵan 6 jylda qazaq kúresin ulttyq brendke aınaldyrdy.

Óz sóziniń sońynda Arman Shoraev Federasıanyń prezıdenti bolǵan jyldarda ulttyq kúresti damytýǵa bar bilimi men biligin jumsaǵanyn aıta kele, aldaǵy ýaqytta tizgindi Aqparat jáne qoǵamdyq damý mınıstri Abaev Dáýren Áskerbekulyna alatyndyǵy habarlady.

Atalǵan usynysqa sáıkes federasıa músheleri biraýyzdan usynysty qoldap, Dáýren Abaaevqa ulttyq kúresti senip tapsyratyndaryn bildirdi.

Sóz alǵan Dáýren Áskerbekuly ulttyq qundylyqtarymyzdyń bastýynda turǵan qazaq kúresiniń damýy úshin aıanbaı eńbek etetinin, artylǵan senimdi aqtaıtynyn aıtty.