Qazaqstannyń basym bóliginde kún ashyq, al batys pen ońtústiktiń taýly aýdandarynda jaýyn-shashyn bolady, - dep habarlaıdy Qamshy.kz aqparat agenttigi Qazgıdrometke silteme jasap.

Aýa-raıynyń boljamyna sáıkes, túnde jáne tańerteń Soltústik Qazaqstan, Shyǵys Qazaqstan oblystarynda  jáne Jambylda tuman bolady. Sondaı-aq Shyǵys Qazaqstanda jel sekýndyna 15-20 metrge deıin kúsheıedi.

Almaty oblysynyń Alakól kólderiniń aýmaǵynda jeldiń jyldamdyǵy sekýndyna 17-22 metrge deıin jetedi.

Atyraý, Batys Qazaqstan, Túrkistan oblystarynda keı jerlerde naızaǵaı oınaıdy, BQO-da oǵan tuman túsedi. Mańǵystaý oblysynda keı jerlerde shańdy daýyl kútiledi.

Túrkistannyń kóp bóliginde, Qyzylorda qalasynyń shyǵys jartysynda, Jambyldyń soltústik-batysynda, Qaraǵandydyń batysy men ońtústik-shyǵysynda, Batys Qazaqstannyń ońtústik-shyǵysynda, Shyǵys Qazaqstan oblystarynyń soltústik-shyǵysynda tótenshe órt qaýpi bar.