Shyǵys Qazaqstan oblysynyń ákimi Danıal Ahmetovtiń bastamasymen Óskemendegi Kýlenovka yqsham aýdanynda 140 túp aǵash kósheti otyrǵyzyldy.
Oǵan qala turǵyndary belsene qatysty.
– Qalamyzdy abattandyrý jumystary aldaǵy ýaqytta jalǵasyn tabady. Biz kelesi jyly osy yqsham aýdanda úsh myńnan astam aǵash kóshetin egemiz. Osylaısha, bárimiz oblys ortalyǵyn abattandyrý jumystaryna belsene atsalysatyn bolamyz, – dedi Danıal Ahmetov.
Budan soń aımaq basshysy Ana men bala ortalyǵyna baryp, dárigerlermen birge aǵash kóshetin ekti. Senbilikten soń Danıal Ahmetov dárigerlermen tildesip, olardyń biliktiligin arttyrý maqsatynda barlyq jaǵdaı jasalatynyn atap ótti.
Aıta keteıik, bul kúni ana men bala ortalyǵynyń qyzmetkerleri 230 túp qaraǵaı, qaraǵash syndy aǵash kóshetterin otyrǵyzdy.
Pikir qaldyrý