SHQO Kúrshim aýdanynda «Nátıjeli jumyspen qamtýdy jáne jappaı kásipkerlikti damytýdyń 2017-2021 jylǵa arnalǵan baǵdarlamasy aıasynda tıisti jumystar atqarylýda. Bul týraly aımaqtyq komýnıkasıalar qyzmetinde ótken brıfıńte Kúrshim aýdanynyń ákimi Dýlat Qajanov málim etti.

– Atalǵan baǵdarlamanyń birinshi baǵyty boıynsha 60 adam qysqa merzimdi kýrstarda bilim aldy. Onyń ishinde 59-y turaqty jumyspen qamtamasyz etildi, – dedi Dýlat Qajanov.

Kúrshim aýdanynda «Eńbek» baǵdarlamasynyń ekinshi baǵyty boıynsha 35 adamǵa 245,7 mln teńge nesıe berildi. Osy oraıda bıyl aýdandaǵy kóp balaly otbasylarǵa da memleket tarapynan kásip ashýǵa qoldaý kórsetilip, nesıe berilgenin atap ótken oryndy.

– Búgingi kúnge 17-si kópbalaly otbasyǵa, 28 jasqa, 2 múgedek adamǵa granttyq qarjy taǵaıyndaldy. Sondaı-aq 14 adamǵa 100 aılyq eseptik kórsetkish kóleminde grant berildi, – dedi Dýlat Qajanov.

Bıyl Kúrshim aýdanynda «Jastar tájirıbesi» baǵdarlamasy boıynsha 26 mamanǵa joldama berildi.