Kúrshim aýdanynda «Nurly Jer» baǵdarlamasy aıasynda jeke salymshylar esebinen 1464 sharshy metr turǵyn úı salynyp, paıdalanýǵa berildi. Bul týraly aımaqtyq komýnıkasıalar qyzmetinde ótken brıfıńte Kúrshim aýdanynyń ákimi Dýlat Qajanov málim etti.

– Memleket basshysynyń «Bes áleýmettik bastamasy» atty halyqqa úndeýin júzege asyrý maqsatynda tıisti jumystar júrgizilýde, – dedi Dýlat Qajanov.

Brıfıń barysynda aýdan ákimi bıyl «Paryz» fondy arqyly 5 kópbalaly otbasy, jeke kásipkerlerdiń demeýshiligimen 2 kópbalaly otbasy jáne 1 tolyq emes otbasy baspanaly bolǵanyn atap ótti.

– Qurylys jumystarynyń kólemi 2019 jyldyń qańtar-tamyz aıynda 1 mlrd 115 mln 100 myń teńgeni qurady. Bul ótken jyldyń sáıkes kezeńimen salystyrǵanda 16,1 paıyzǵa artyq, – dedi Dýlat Qajanov.