Aǵymdaǵy jyly SHQO Kúrshim aýdanynda et, sút, jumyrtqa óndirý kólemi ótken jylǵy kórsetkishpen salystyrǵanda 3,8 paıyzǵa artty. Bul týraly aımaqtyq komýnıkasıalar qyzmetinde ótken brıfıńte Kúrshim aýdanynyń ákimi Dýlat Qajanov málim etti.

– İri qara mal sany 85,1 myń basty qurap, byltyrǵy jylmen salystyrǵanda 0,1 paıyzǵa, sonyń ishinde sıyr basynyń sany 40,7 myń basty qurap, 0,9 paıyzǵa, jylqy sany 31,9 myń basty qurap, byltyrǵy jyldyń sáıkes kezeńimen salystyrǵanda 6,6 paıyzǵa, qus basy 54,9 myń basty qurap, 0,8 paıyzǵa ósti, qoı jáne eshki sany 197,9 myń basty qurap, byltyrǵy jyldyń sáıkes kezeńimen salystyrǵanda 3,9 paıyzǵa azaıdy, – dedi Dýlat Qajanov.

Bıyl Kúrshim aýdanyna 1 mlrd 601 mln 400 myń teńge ınvestısıa tartyldy. Bul byltyrǵy jyldyń sáıkes kezeńimen salystarǵanda 11,4 paıyzǵa kóp. Al shaǵyn jáne orta kásipkerlik sýbektilerinen túsken salyq kólemi 115 mln. 899 myń teńgeni nemese ósim 32,8 paıyzdy qurady.