Almatyda jer asty dúmpýleri sezildi dep habarlaıdy Qamshy.kz aqparat agenttigi Almaty TJD-ǵa silteme jasap.

Jer silkinisin jergilikti ýaqyt boıynsha 03.49-da "QR BǴM ǴK STÁE" MM seısmıkalyq stansıalar jelisi tirkegen.

Jer silkinisiniń epısentri Almatydan shyǵysqa qaraı 140 shaqyrym jerde, Qazaqstan aýmaǵynda ornalasqan.

"Jer silkinisiniń energetıkalyq klasy - 14,0. Magnıtýdasy - MPV 5,5. Tereńdigi - 10 shaqyrym. Sezilýi týraly málimetter (MЅK-64 shkalasy boıynsha): Saty kenti - 3 bal, Almaty - 2 bal", - delingen habarlamada.

Almaty qalasy Tótenshe jaǵdaılar departamenti jergilikti atqarýshy organdarǵa, prokýratýraǵa, Qazseldenqorǵaý jáne basqa da uıymdarǵa habarlandyrý jasaǵan. "PD JBO-nyń derekteri boıynsha zaqymdaný men qıraý derekteri anyqtalǵan joq.

"Qazseldenqorǵaý" málimetinshe, gıdrotehnıkalyq qurylystarda, kóshkin qaýpi bar jáne sel qaýpi bar ýchaskelerde deformasıa, shógý jáne jaryqtyń paıda bolýy anyqtalǵan joq", - dep habarlady vedomstvodan.