2019 jyldyń qazannyń 1-7-si aralyǵynda Ispanıanyń Malaga  qalasynda «TU ONDA» atty jas ánshilerdiń halyqaralyq án baıqaýy ótti, dep habarlaıdy Qamshy.kz aqparat agenttigi.

Baıqaýda Almaty qalasynan «Boztorǵaı» qoǵamdyq qorynyń jetekshisi Qarlyǵash Ábdikárimovanyń, «Senim» vokaldy ansambliniń jetekshisi Tursyn Kýderınanyń qoldaýlarymen qatysqan jas ánshiler júldeli oryndarǵa ıe boldy.

Atap aıtsaq, bul baıqaýda birinshi oryn Ulasbek Amırkanovqa (Almaty qalasy №24 lıseıden) tıesli boldy. Osy ýaqytqa deıin Ulasbek AQSH-tyń Nú-Iork qalasynda ótken «PEARL OF NEW YORK 2017» halyqaralyq baıqaýda 1-shi oryndy ıelenip, qazaq eliniń bedeli men kók baıraǵyn asqaqtatqan bolatyn. 2018 jyly jazda Italıada ótken «CREATIUITA senza FRONTIERE 2018» halyqaralyq festıválda İ-oryn laýreat atansa.

2018 jyly Astana qalasynda ótken «Shattyq» jas daryndar halyqaralyq festıvalinde Ulasbekke ónerdegi tabysy úshin qazylar alqasynyń tóraǵasy QR Halyq ártisi Bıbigúl Tólegenova óz qolymen laýreat ataǵy dıplomyn tabystaǵan bolatyn.

Al búgin Ulasbek Ispanıanyń Malaga qalasynda ótken «TU ONDA» atty jas ánshilerdiń halyqaralyq án baıqaýynda birinshi oryn dıplommen marapatqa ıe bolyp qaıtty. Bolashaqta Ulasbekten úlken úmit kútetinimiz anyq.

Al ekinshi oryndy «Senim» vokaldy ansambliniń jas ánshisi Aıgerim Arǵynbek (Maǵjan Jumabaev atyndaǵy №137 jalpy bilim beretin mektepten) ıelendi.

Ispanıanyń Malaga qalasynda ótken halyqaralyq baıqaýda 1-shi jáne 2-shi oryndy ıelengen jas talanttardyń qýanyshtarynda shek joq.