Elbasy N.Á.Nazarbaevtyń «Bolashaqqa baǵdar: rýhanı jańǵyrý» atty maqalasynda «Maqsatqa jetý úshin bizdiń sanamyz isimizden ozyp júrý, ıaǵnı odan buryn jańǵyryp otyrýy tıis. Bul saıası jáne ekonomıkalyq jańǵyrýdy tolyqtyryp qana qoımaı, olardyń ózegine aınalady» dep atap kórsetildi. Bul mindetter árbir qazaqstandyqqa, onyń ishinde ustaz qaýymyna da tikeleı qatysty ekeni sózsiz.

Jyl ótken saıyn otandyq bilim berý salasy kóptegen jańashyldyqpen erekshelenýde. «Nazarbaev Zıatkerlik mektepteri» DBBU-nyń tájirbıesin oqý úderisine engizýge jáne pedagogıkalyq is-tájirbıesin nasıhattaý maqsatynda 2018-2019 oqý jylynyń qyrkúıek aıynda Jambyl oblysynyń Sarysý aýdanynda 3 jetekshi mektep (Shoqan Ýálıhanov atyndaǵy mektep –gımnazıa, Muhtar Áýezov atyndaǵy mektep-gımnazıasy, Sáken Seıfýllın atyndaǵy orta mektep) bekitilip, is-shara jospary jasalynyp, jumystar júıeli júrgizildi. Orta bilim berý mazmunyn jańartý jaǵdaıynda pán muǵalimderine ádistemelik qoldaý kórsetýde, tájirıbe bólisýde, aqparattar almasýda, oqý-tárbıe úderisin tıimdi uıymdastyrýda aýdanda 7 «Ádistemelik trenıń», 2 «Ashyq esik» kúni, 19 semınar, 7 master klass, 47 ashyq sabaq ótkizildi.

Jambyl oblysy ákimdiginiń bilim basqarmasynyń bastaýymen 2019 jyldyń mamyr aıynan bastap taǵy 3 mektep qosylyp, jalpy 6 jetekshi mektep bekitildi. Oqý-tárbıe úderisin tıimdi uıymdastyrý, aqparat almasý maqsatynda oblys ortalyǵyndaǵy JOO-lar men NZM tájirıbesin taratatyn 6 jetekshi mekteptiń arasynda ózara yntymaqtastyq týraly memorandým jasalynyp, atqarylatyn is-shara jospary quryldy. Qazirgi tańda osy 6 jetekshi mektepke 21 seriktes mektep bekitildi.

Muǵalimderdiń kásibı sheberligin arttyrý maqsatynda oblystyq oqý ádistemelik kabınetiniń jáne aýdandyq bilim bólimi tarapynan bıylǵy oqý jylynda 16 desant ótkizildi. Ádistemelik desantta muǵalimder koýchıng (14), ashyq sabaq (41), sheberlik synyp (32), dóńgelek ústelder (11) arqyly óz is-tájirıbesimen bólisti.

Bundaı is-sharalardyń túrleri aýdandyq ádistemelik kabınetiniń is-shara josparyna sáıkes kóptep ótkizilýde.

Rasynda da dana halqymyz «Bilekti birdi jyǵar, bilimdi myńdy jyǵar» dep tekten tek aıtpaǵan. Búgingideı boı emes, oı jarystyratyn kezeńde óskeleń urpaqqa sapaly bilim, sanaly tárbıe berýdiń mańyzy zor. Bul turǵyda sarysýlyq ustazdar mol tájirıbelerin tıimdi paıdalanyp, aıanbaı eńbek etýde.