Adamı kapıtaldy damytý-memleket aldynda turǵan basty mindetterdiń biri. Bul týraly Elbasy Nursultan Nazarbaev únemi aıtyp keledi. Memleket basshysy Qasym-Jomart Toqaev ta Qazaqstan halqyna alǵashqy Joldaýynda bilim berý salasyndaǵy baǵyttardy baǵdarlap, Ult Kóshbasshysynyń sara jolyn laıyqty jalǵastyratyndyǵyn aıtty. Osy oraıda óskeleń urpaqty tárbıelep otyrǵan ulaǵatty ustazdarǵa júkteler jaýapkershilik joǵary.

Qazirgi bilim berý júıesinde oqý baǵdarlamasyn, ádistemelik quraldardy, ádis-tásilderdi, oqytýdyń tehnologıasy men formasyn tańdaý – pedagogtyń ózin-ózi shyńdaýyna, shyǵarmashylyqpen jumys jasaýyna jol ashsa, ekinshi jaǵynan, pedagog jumysynyń joǵarǵy deńgeıde, nátıjeli bolýyn talap etedi. Bul turǵyda 2018 – 2019 oqý jylynda Sarysý aýdanynyń pedagogtary 165 jetistikke qol jetkizgenin aıta ketý kerek.

Jalpy bilim beretin pánder boıynsha oblystyq olımpıadaǵa Sarysý aýdanynan barlyǵy 34 oqýshy 13 pánnen qatysyp, onyń bireýi ekinshi, jeteýi úshinshi oryndardy ıelendi (23,5%). Tereń bilimin kórsetkeni úshin 12 oqýshy gramotamen marapattaldy.

Mekteptegi bilim alýshylardyń tanymdyq qabiletin arttyrý maqsatynda 2018-2019 oqý jylynda 5 mektepte túrli baǵyttaǵy jobalar engizilgen. Jalpy 5-11 synyptardan 570 oqýshy qamtylǵan.

2019-2020 oqý jylynda Aqtoǵaı, Áıteke bı, Abylaı han, B.Adambaev, Túgisken orta mektepterinde matematıka-jaratylystaný, qolóner, tárbıe, sport ekologıa baǵyttaryn engizý josparlanyp otyr. Jalpy 5-11 synyptardan 420 oqýshy qamtylady.

Jalpy, aýdanda balalardyń bilimin shyńdaýmen qatar olardyń oı-órisin damytýǵa, demalys kezinde saýyqtyrylýyna laıyqty jaǵdaı jasalyp keledi. Mysaly, 2018-2019 oqý jylynda jazǵy kanıkýl kezinde aýdandaǵy barlyq mektepte mektep janyndaǵy lagerler jumys júrgizdi.

Jazǵy saýyqtyrýmen 2018-2019 oqý jylynda 1-10 synyptardan 8365 oqýshynyń 7779 oqýshysy qamtyldy, ıaǵnı 93,0- dy quraıdy.

24 mektepte tamaqpen uıymdastyrylatyn lagerde 1053 oqýshy (12,8%) saýyqtyryldy.

Qala syrtyndaǵy demalys oryndarynda jazǵy saýyqtyrýǵa 706 oqýshy qamtyldy. Sonymen qatar, 24 mektepte ata-analar esebinen 450 bala, onyń ishinde «Kazfosfat» JSHS, «Qarataý» taý-ken óndeý keshenine qarasty «Juldyz» saýyqtyrý lagerinde (3 maýsym) ár maýsymǵa 150 baladan demaldy.

Joǵaryda atalǵan óndiris oshaǵynyń demeýshiligimen ata-anasynyń qamqorlyǵynsyz qalǵan mektep jasyndaǵy qamqorshylyq pen qorǵanshylyqtaǵy 15 jetim balaǵa tegin joldama bólindi.

2019 jyldyń jazǵy demalysy kezindegi lagerlerdegi úıirmelerge (mektep, tektepten tys, aýla klýbtary) 4266 oqýshy qamtylsa, mektep janyndaǵy eńbek jasaqtaryna 700 bala, týrısik saıahattar men ekskýrsıalarǵa 1472 bala qamtyldy.