Qazaqstan Respýblıkasynyń Prezıdenti Q.Toqaevtyń Qazaqstan halqyna alǵashqy Joldaýynda mán bergen mańyzdy máselelerdiń qatarynda ınfraqurylymdy damytý jaıy da bar. Osy oraıda Prezıdent «Aldaǵy úsh jyl ishinde turǵyndardy taza aýyz sýmen jáne sý jetkizýmen qamtamasyz etýge shamamen 250 mıllıard teńge bólinedi.

Atqarýshy bılik organdary «Nurly jol» baǵdarlamasyn tolyq jáne sapaly iske asyrýǵa basa mán berýi kerek.

Bul – strategıalyq joba. Sonyń arqasynda búkil kólik ınfraqurylymy jańǵyrtylady.

Osy maqsatqa oraı, memleket 2022 jylǵa deıin 1,2 trıllıon teńgeden astam ınvestısıa salady.

Úkimet buǵan deıin de kóp qarajat bólgen bolatyn, biraq onyń kóbi qumǵa sińgen sýdaı joq bolyp ketti. Ashyǵyn aıtsaq, sheneýnikterdiń qaltasyna ketti, al taza sý, jol jáne basqa da ınfraqurylymnyń jaǵdaıy áli de sol kúıinde.

Bul joly Úkimet pen Parlament Esep komıtetimen birlesip, búdjet qarajatyn tolyǵymen tıimdi paıdalanýdy qamtamasyz etýi tıis» dep atap ótti.

Qazirgi tańda Taraz qalasynda bul baǵytta júıeli jumystar atqarylýda. Jalpy bıyl qurylys jumystarynyń kólemi 20 mıllıard 9,4 mıllıon teńgeni nemese naqty kólem ındeksi 103,0 paıyzdy qurady Bul ótken jylmen salystyrǵanda 1 mıllıard 321,9 mıllıon teńgege artyp otyr.

2019 jyly memleket búdjetinen jalpy somasy 30 mlrd. 707,8 mln. teńgege 101 nysannyń qurylysyn júrgizý qarastyrylǵan. Onyń ishinde 22 nysannyń qurylysy 2020 jylǵa ótpeli.

Aǵymdaǵy jyly «Óńirlerdi damytýdyń 2020 jylǵa deıingi» baǵdarlamasy aıasynda birqatar jobalar júzege asyrylýda.

Atap aıtqanda Kırpıchnık, Qant zaýyty jáne Barysqan aýmaǵyndaǵy alqaptaryn úzdiksiz aýyz sýmen qamtamasyz etý úshin Sańyraq batyr kóshesinen Sorokın kóshesine deıingi Baızaq batyr kóshesiniń boıyndaǵy sý tarqyshtyń qurylysy 2020 jyly aıaqtalady.

Al «Barysqan» alqabyn elektrmen qamtamasyz etý jobasy aıaqtaldy.

Sonymen qatar №8,9,10,11 móltek aýdandaryn jáne "Kóktem" alqabyn úzdiksiz aýyz sýmen qamtý úshin Y.Dúkenuly kóshesindegi eki sý júıesin qaıta jańǵyrtý jumystary júrgizilýde.

Budan bólek Shalǵaı Qarasý alqabynyń Moldarbekov kóshesi, Moldarbekov kóshesiniń 2-shi burylysy, Sentralnaıa kóshesi, Sentralnaıa kóshesiniń 1-shi burylysy sý júıeleriniń qurylysy boıynsha «Taraz Sý» KMK-nyń jarǵylyq kapıtalyn ulǵaıtýǵa 100,0 mln. teńge qarastyrylyp, 2020 jyly aıaqtaý kózdelýde.