Almaty oblysynda birneshe polısıa qyzmetkeri jemqorlyq qylmys jasady degen kúdikke ilindi, – dep,  Qamshy.kz aqparat agenttigi habarlaıdy sybaılas jemqorlyqqa qarsy is-qımyl agenttiginiń baspasóz qyzmetine silteme jasap.

"Polısıa maıory, Eńbekshiqazaq aýdany polısıa basqarmasy bastyǵynyń mindetin atqarýshy jáne aǵa leıtenant, Túrksib aýdandyq polısıa basqarmasynyń ýchaskelik ınspektoryna qatysty azamatty aldaý jáne senimin teris paıdalaný arqyly kúdiktiniń isin neǵurlym jeńil sanatqa qaıta saralaý jeleýimen 1 250 000 teńge aqshasyn ıemdengeni úshin Almaty qalasynda sotqa deıingi tergeý bastaldy", – dep  habarlady agenttiktiń baspasóz qyzmeti.

Polısıa basqarmasy bastyǵynyń mindetin atqarýshy ustalyp, ýaqytsha tergeý ızolátoryna qamaldy.

Odan ózge Qarasaı aýdany polısıa basqarmasy tergeýshisiniń qylmysy áshkerelendi.