Elbasy usynǵan «Sıfrly Qazaqstan-2020» baǵdarlamasy bilim berý salasynda da óz nátıjesin berýde. Onyń jarqyn jemisin Jambyl óńirinen de aıqyn ańǵarýǵa bolady. Mysaly, shalǵaıdaǵy Sarysý aýdanynda mektepter úshin sıfrlyq bilim berý resýrstarynyń qoljetimdiligi artyp, oqytýdyń sapasyn jetildirýge oń septigin tıgizýde.

Qazirgi tańda aýdandaǵy barlyq 27 mektep ishki symsyz «Wi-Fi»-men jaraqtandyrylyp, keń jolaqty Internet jelisine qosylǵan jáne «Kúndelik.kz» júıesine engizilgen. Jalpy belsendilik 100 paıyzdy kórsetip otyr.

-«Bilim Land» bilim berý platformasyna barlyq mektep onlaın jáne oflaın rejıminde jumys jasaıdy. Jalpy 1192 akkaýnt berilip, akkaýnttarynyń belsendiligi 100 quraýda.

Oqý jylynyń basynan ınteraktıvti sabaqtar boıynsha -21819 ret, Twig sabaqtary boıynsha- 1147 ret, iTest boıynsha- 7341 ret, iMektep boıynsha – 3750 ret jumys jasaǵan. Qazirgi tańda oblys boıynsha 3 orynda turmyz.

Mektepterde qazirgi tańda barlyǵy 999 kompúter bar. 2019 jyly 274 dana kompúter alýǵa 34 mıllıon 252 myń teńge qaralyp, barlyǵy 863 dana kompúter bolyp josparly 10 oqýshyǵa 1 kompúterden jetemiz, deıdń Sarysý aýdany ákimdigi bilim bóliminiń basshysy İ.Baımaǵanbetov.

Aıta ketý kerek, 2018 jyly 13 mıllıon 674 myń 800 teńgege elektrondyq oqytýdy engizýge arnalǵan 40 dana ınteraktıvti qurylǵy alynypty. Qazirgi tańda barlyǵy 121 ınteraktıvti qurylǵy bar.

Sonymen qatar 57 modıfıkasıalyq kabınet iske qosylǵan. 15 hımıa, 12 LMK, 15 bıologıa, 15 fızıka kabınetteri qarastyrylǵan. 2019 jyly hımıa, fızıka, bılogıa pánderiniń kabınetterin jabdyqtaýǵa 68 mıllıon 150 myń teńge qaralyp otyr. Sondaı-aq aýdanda 8 mektep robototehnıka kabınetimen jabdyqtalypty.

Jalpy 2018-2019 oqý jylynan bastap mektepterde (5-8 synyptar aralyǵynda) robototehnıka úıirmelerine 1667 oqýshy qamtylǵan. Byltyr

budan bólek Sh.Ýálıhanov atyndaǵy mektep-gımnazıasynan İT - synyby ashylyp, «Stem» laboratorıalyq kabıneti programmasymen jabdyqtaldy.

Qazirgi tańda 2 muǵalim 5 toptan turatyn ár topta 12 oqýshydan 60 oqýshyǵa dáris berýde. Olardyń aılyq jalaqysyna 20 paıyz kóleminde qosymsha ústemaqy tólenedi.

2019 jyly ındıkatorlyq kórsetkish boıynsha 3 birlik İT-synyp ashý josparlanyp otyr. Balabaqshaǵa balalardy kezekke qoıý jáne joldama alý aqparattyq júıesi 25 mektepke deıingi bilim berý uıymdaryna engizildi.